«Մինսկի խմբի համանախագահության ձևաչափի վերականգնումը հնարավոր չեն համարում ոչ միայն Մոսկվայում, այլև՝ Վաշինգթոնում». Սուրեն Սուրենյանց

Քաղաքագետ Սուրեն Սուրենյանցի գրառումը. «Անվտանգային նոր ռիսկեր՝ տարածաշրջանում

Երեկ Բլինքեն-Ալիև հեռախոսազրույցի ժամանակ ԱՄՆ պետքարտուղարն, իհարկե, հիշեցրել է, որ իր երկիրը ԵԱՀԿ Մինսկի խմբի համանագահ է, բայց շեշտել է, որ Վաշինգթոնը պատրաստ է աջակցել Հայաստանի ու Ադրբեջանի միջև համապարփակ խաղաղությանը «երկկողմ հիմքով ու գործընկեր-համախոհների հետ»:

Հաղորդագրության ամբողջական տեքստից ակնհայտ է դառնում, որ «գործընկեր-համախոհները» ոչ թե մյուս համանախագահ երկրներն են (առաջին հերթին՝ Ռուսաստանը), այլ՝ ԵՄ-ն:

Այսպիսով, Մինսկի խմբի համանախագահության ձևաչափի վերականգնումը հնարավոր չեն համարում ոչ միայն Մոսկվայում, այլ նաև՝ Վաշինգթոնում:

Միջնորդական մրցակցային հարթակների գոյությունը, ավելին՝ նրանց հակադրությունը, անվտանգային նոր ռիսկեր է ծնում տարածաշրջանում»: