«Հայաստանի և Արցախի միջև փոխգործակցությունն զգալիորեն նվազել է»․ քաղաքագետ

«Ստեփանակերտի և Երևանի միջև տարաձայնություններ, անշուշտ, գոյություն ունեն։ Իհարկե, Ստեփանակերտում ո՛չ իշխանությունը, ո՛չ հասարակությունը չի ընդունում Երևանի՝ նշաձողի իջեցման քաղաքականությունը»,- այսօր՝ «Գլոբալ զարգացումներ. մարտահրավերներին արձագանքելու ի՞նչ ներուժ ունի Հայաստանը» թեմայով քննարկման ժամանակ հայտարարել է քաղաքագետ Տիգրան Գրիգորյանը։

«Հիշում ենք, որ ապրիլի 13-ի ելույթից հետո Ստեփանակերտից հրապարակային քննադատություն հնչեցվեց Նիկոլ Փաշինյանի և իր թիմի նկատմաբ, սակայն դրանից հետո տեղի ունեցավ Արցախի նախագահի այցը Երևան և հանդիպում վարչապետի և իր թիմակցիների հետ։ Այդ այցից հետո կարծես տարաձայնությունները մի քիչ մեղմվել են, բայց այն, որ Հայաստանի և Արցախի միջև փոխգործակցությունն զգալիորեն նվազել է, դա իրողություն է, որը չենք կարող հաշվի չառնել, հատկապես ռազմաքաղաքական ոլորտներում, այդ թվում, օրինակ, արտգործնախարարությունների միջև համագործակցության մակարդակով»,- նշել է նա։