«ԵՄ դեսպանն այս իրավիճակի անմիջական օգնականն է». Ա. Վարդևանյան

«Այսօր Հայաստանում կան երկու հազարից ավելի անազատության մեջ գտնվող անձինք։ Միայն վերջին շրջանում տեսանք՝ կալանավորների, քաղաքական հետապնդումների ենթարկվողների առողջությունն ինչի հասավ․ մենք տեսանք դատարանում մարդու մահ»,- այսօր՝ «Դիմադրություն» շարժման հանրահավաքի ժամանակ, հայտարարեց «Հայաստան» խմբակցության պատգամավոր Արամ Վարդևանյանը։

«Մենք տեսնում ենք այդ քաղաքական հետապնդման ենթարկվողների առողջական վիճակի կտրուկ վատթարացում։ Սա խոսում է այն մասին, որ էս իշխանություններն արդեն կալանքը ոչ թե որպես մահակ, ապօրինի ռեպրեսիվ գործիք են օգտագործում, այլ մարդկանց առողջությունը քայքայելու, մահվան դուռը հասցնելու գործիք։ Ու էս պայմաններում Հայաստանում ԵՄ դեսպանը խոսում է, որ Հայաստանում քաղաքական բանտարկյալներ, քաղաքական հետապնդման ենթարկվողներ իբր չկան։ Դուք պատկերացնո՞ւմ եք էդ մարդու իրականությունից կտրված ու էս իշխանություններին աջակցելու քաղաքականությունը։

Ամեն մի նման դեպքերով մարդու ճակատագրի խեղման մեջ եՄ դեսպանն առնվազն օժանդակողն է»,- նշեց Վարդևանյանը։