Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Դո՞ւք եք կյանքից խոսում, որ ասեցիք՝ նոր պատերազմ, նոր տարածքներ»․ Էդուարդ Շարմազանով

«Դո՞ւք եք կյանքից խոսում, որ ասեցիք՝ նոր պատերազմ, նոր տարածքներ»․ Էդուարդ Շարմազանով
220
Երեքշաբթի, 02 օգոստոսի, 2022 թ., 12:48

ՀՀԿ խոսնակ Էդուարդ Շարմազանովի գրառումը․ «Կյանքն անգին է, երբ արժանապատիվ ես ապրում։
Ծնկի եկած կյանքն ո՞ւմ է պետք։
Արժանապատիվ մահը հազար ծնկի եկածների կյանք արժե։
Մահ կա, որ ապրեցնում է ու կյանք է տալիս սերունդներին։
Դա ապացուցել են Ավարայրի Վարդանը, 4-րդ գնդի հրամանատար՝ Քեռին, Նելսոն Ստեփանյանը, Ռոբերտ Աբաջյանը…

Իսկ «կյանք» էլ կա, որ մահեր է բերում։
Դրա վառ ապացույցն էլ պատերազմ ու ազգային խայտառակություն բերած կապիտուլյանտներն են։
Դո՞ւք եք կյանքից խոսում…
Դուք, որ ասեցիք՝ նոր պատերազմ, նոր տարածքներ։
Թե՞, որ ասեցիք՝ Արցախը Հայաստան է և վերջ։
Հոկտեմբերի 19-ին ձեր Փաշինյանն է հրաժարվել Պուտինի՝ պատերազմը դադարեցնելու առաջարկից, որի հետևանքով մի քանի հազար մահեր եք բերել։
Դուք ի՞նչ կապ ունեք կյանքի հետ։
Դուք պատերազմի, պարտության ու մահի սիմվոլ եք ու վերջ։
Այո՛, մենք 30 տարի հաղթող էինք ու դա ձեր «կառուցողական» Ալիևն էլ է շեշտել։
Ձեզ չի հաջողվելու ազգային նվաստացումն ու կապիտուլյացիան ներկայացնել որպես «հաղթանակ»։
Խաղաղությունն անգին է, երբ այն արժանապատիվ է։
Խաղաղությունը արժեք չունի, երբ դրա գինը պետության գահավիժումն է, Շուշիի ու Հադրութի կորուստն է և սեփական երկրում կենվոր դառնալն է»։