Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Տենց լավ չի, ականապատ դաշտի քարտեզներն էլ գրպանը դրեք նոր հետ ուղարկեք». Վիտալի Մանգասարյան

«Տենց լավ չի, ականապատ դաշտի քարտեզներն էլ գրպանը դրեք նոր հետ ուղարկեք». Վիտալի Մանգասարյան
362
Չորեքշաբթի, 03 օգոստոսի, 2022 թ., 10:18

«Հենակետ» վերլուծական կենտրոնի փորձագետ Վիտալի Մանգասարյանը ֆեյսբուքյան իր էջում գրել է․ «ՊՆ-ից տեղեկացնում են, որ մոտ 10 օր առաջ Վարդենիսի ուղղությամբ թշնամական պետության զինծառայող են բռնել մեր դիրքապահները։ Այնուհետև երկրի անվտանգության և զինծառայողների կյանքի ու առողջության մասին զօր ու գիշեր հոգ տանող գերատեսչությունից հայտնում են, որ այդ օրերի ընթացքում պարզել են, որ ադրբեջանցի զինծառայողը մոլորվել է, և բռնել հետ են տվել։

Տենց լավ չի, ականապատ դաշտի քարտեզներն էլ գրպանը դրեք նոր հետ ուղարկեք։ Կամ եթե քարտեզները վաղուց տվել պրծել եք, տեսեք ինչ կա, որ կարելի է հետը դնել, որպեսզի դատարկ ձեռքով հետ չգնա։

Ադրբեջանում գերության մեջ գտնվող մեր տղերքն էլ, ինչպես ստեղծված իրավիճակի թիվ մեկ մեղավոր և թիվ մեկ պատասխանատուն էր հայտարարում մեկ տարի առաջ՝ նախընտրական քարոզարշավի ժամանակ, կսպասեն մի քանի ամիս»։

Աղբյուրը`   Վիտալի Մանգասարյան