Երեքշաբթի, 19 մարտի, 2024 թ.
|
Ստեփանակերտում`   +4 °C

«Պատրաստվենք հերթական ներկայացմանը»․ Ռոբերտ Ղևոնդյան

«Պատրաստվենք հերթական ներկայացմանը»․ Ռոբերտ Ղևոնդյան
285
Հինգշաբթի, 11 օգոստոսի, 2022 թ., 01:12

Քաղաքագետ Ռոբերտ Ղևոնդյանը ֆեյսբուքյան իր էջում գրել է. «Այսպես կոչված «ընդդիմության» հերթական ներկայացուցիչը խոսում է հերթական գործողության մասին, որի նպատակը, ըստ իրենց, հերթական անգամ կարճ ժամանակում իշխանությունը վերցնելն է:

Նորից ակնհայտ է, որ ինչպես նախորդ դեպքերում, այս անգամ էլ իշխանափոխություն անել չի հաջողվելու:

Ակնհայտ է նաև հենց հայտարարողների և հայտարարելու պատվիրատուների համար: Նորից պիտի արձանագրենք, որ հիմնական նպատակը հասարակությանը «զբաղեցնելն է», իրական օրակարգերից շեղելը, իշխանության աշխատանքին խանգարելը, սեփական գոյության մասին հիշեցնելը, արտաքին որոշ ուժերի մոտ աշխատանքի իմիտացիա ստեղծելը և այլն:

Իսկ ինչո՞ւ են «մեծ-մեծ» խոսում իշխանափոխության մասին: Որովհետև դա միակ միջոցն է գոնե մի փոքր զանգված փողոց հանելու: Իսկ առանց այդ փոքր զանգվածի ոչ մի բան էլ չեն կարող իրացնել:

Մի խոսքով պատրաստվենք հերթական ներկայացմանը...»։

Աղբյուրը`   Ռոբերտ Ղևոնդյան