«Ադրբեջանի ամենասկանդալային լրատվականի խմբագիրը ռուս «խաղաղապահների» ուղեկցությամբ հասնում է Աղավնո և Բերձոր». Դավիթ Սանասարյան

«Ինքնիշխան Հայաստան» կուսակցության նախագահ Դավիթ Սանասարյանի գրառումը. «Ադրբեջանի ամենասկանդալային լրատվականի խմբագիրը ռուս «խաղաղապահների» ուղեկցությամբ հասնում է Աղավնո և Բերձոր, որտեղ ադրբեջանցին դիտավորյալ ներկայանում է որպես ռուս լրագրող, իսկ ռուսները թաքցնում են նրա ադրբեջացնի լինելն ու հայերին խնդրում են, որ պատասխանեն նրա հարցերին։ Իրականում սա ոչ թե հարցազրույց էր, այլ զոնդաժ ու էքսպերիմենտ։

Բայց հարցի մյուս կողմը կայանում է նրանում, որ նույն ռուս «խաղաղապահները» ՀՀ լրագրողներին կամայական արգելում են, որ իրենց պարտականություններն իրականացնեն։

Հ. Գ. Վերջերս Արցախ էի գնացել, ու երբ ադրբեջանցիների կողմից բռնազավթած Շուշիի դիրքերն էի նկարում, մոտեցավ ռուս զինվորն ու պահանջեց ջնջել վիդեոն, բայց Ֆաթուլայևը ոչ միայն նկարել էր ռուսական հենակետի խրամատը, այլև ռուսներին նկարել էր իրենց մեքենայի մեջ։ Հետևություններն ինքներդ արեք»։