«Գլոբալ առումով ներկայիս Հայաստանն Արցախի մելիքների քաղաքական ժառանգությունն է»․ Արգիշտի Կիվիրյան

Վերլուծաբան Արգիշտի Կիվիրյանի գրառումը․ «Գլոբալ որ նայենք, Արցախահայության վերջին տարբերակը, ողջ ծավալով լծվել Մոսկվայի ՍՍՀՄ-2 կյանքի կոչելու պրոյեկտին, դրանից բխող բոլոր հետևանքներով։ Այդ կապակցությամբ իրենք պետք է սկսեն մշտական ուղղահայաց ու զուգահեռ շփումները Մոսկվայի, Բաքվի ու Թեհրանի հետ, ընդ որում փորձելով ստեղծել միասնական ճակատ Արցախում բնակվող հայերից ու Ռուսաստանում բնակվող արցախյան ծագում ունեցող զանգվածների հետ։

Ռիսկը իհարկե շատ մեծ ա, բայց իրենք էլ կորցնելու բան չունեն, եթե պրոյեկտը ստացվի, ոչ միայն կլուծեն իրենց անվտանգության հարցը, դեռ կարող ա Բաքվում, ինչպես նաև Երևանում տիրանան բազմաթիվ վարչական ու տնտեսական լծակների ու ռեսուրսների, իսկ դե պրոյեկտի տապալման դեպքում արցախահայությունը լավագույն դեպքում կարա մնալ այդ հողի վրա որպես Ադրբեջանի երկրորդ սորտի քաղաքացիներ՝ հայ-ադրբեջանական ներկայիս թշնամանքի աստիճանը իրենց թույլ չի տա անգամ հավակնել լինելու առաջին սորտի մեջ։ Իհարկե, ռիսկը բավականին մեծ ա, բայց դե մելիքների ժամանակաշրջանում մեկ անգամ այդ ռիսկի գնալու արդյունքում է, որ հնարավոր եղավ Արևելյան Հայաստան աշխարհագրական միավորը վերածելու Հայաստանի Հանրապետություն քաղաքական միավորի։ Գլոբալ առումով ներկայիս Հայաստանը դա Արցախի մելիքների քաղաքական ժառանգությունն ա...
P.S. Բուն Հայաստանի Հանրապետությունը ներկա փուլում ՍՍՀՄ-2 պրոյեկտի կապակցությամբ պետք ա փորձի առավելագույն չեզոքություն պահպանել, իրադարձություններին արձագանքելով ըստ իրավիճակի...»։