«Ապրելու երկիր»-ի սկսում է քարոզարշավը. նա թեկնածուներ ունի 6 համայնքներում

192

Չորեքշաբթի, 31 օգոստոսի, 2022 թ., 12:24

«Ապրելու երկիր» կուսակցությունը հաղորդագրություն է տարածել՝ տեղեկացնելով, որ սկսում է քարոզարշավը:

«Սիրելի՛ հայրենակիցներ, այսօրվանից մեկնարկում է սեպտեմբերի 25-ին Հայաստանի տարբեր համայնքներում տեղի ունենալիք ավագանու ընտրությունների պաշտոնական քարոզարշավը։

«Ապրելու երկիր» կուսակցությունն այս անգամ ևս ակտիվորեն մասնակցում է ընտրապայքարին, համայնքի ղեկավարի և ավագանու անդամների թեկնածուներ ունի 6 համայնքներում՝

Ալավերդի — Արկադի Թամազյան

Չարենցավան — Անահիտ Խեչոյան

Թալին — Դավիթ Մանուկյան

Սիսիան — Արա Զաքարյան

Գյուլագարակ — Վրույր Այվազյան

Լոռի Բերդ — Կարլեն Վերմիշյան

Մեր թեկնածուները այս 25 օրերի ընթացքում անցնելու են տնետուն, բնակավայր առ բնակավայր, հանդիպելու են ձեզ հետ՝ ներկայացնելու մեր համայքները զարգացնելու իրենց տեսլականը, ձեր հետ միասին գտնելու տարիների ընթացքում մեր բնակավայրերում կուտակված խնդիրների լուծման ճանապարհը։ Դուք կճանաչեք նրանց դեմքով, իրենց կատարած աշխատանքով և առաջարկվող ծրագրերով»։