«Ընդդիմադիրներն ասում են, որ ես դավաճան եմ». Փաշինյան

Ինչպես հայտնել էինք, վարչապետ Նիկոլ Փաշինյանը երեկ ընդունել էր Ազգային ժողովի «Ամառային դպրոց» ծրագրի մասնակիցներին: Ի թիվ այլ հարցերի՝ Փաշինյանն անդրադարձել է ներքաղաքական թեմաների, մասնավորապես, ընդդիմության հայտարարություններին, փակ և հրապարակային հանդիպումների առանձնահատկություններին: «Եթե ասում են՝ դավաճան և այլն, եկան դռնբաց հանդիպման, դուրս եկան ու հանկարծ էդպիսի դարակազմիկ մի բան չեղավ ասելու՝ իրենց տրամաբանության տեսանկյունից, հայտնվելու են վատ վիճակում... Իրենք վեր են կենում, ասում են, կամ եթե ուղիղ չեն ասում, հարցերը ձևակերպում են էնպես, որ երևա՝ մենք, ես կոնկրետ, կա՛մ դավաճան եմ, կա՛մ և այլն, և այլն, ես էլ, բնականաբար, քանի որ էդպիսին չեմ, պիտի հակադարձեմ, հիմնավորեմ իմ հակադարձումը»,- ասել է վարչապետը: Նա նշել է, որ ընդդիմության և իշխանության հարաբերություններում «կուլտուրայի խնդիր կա», որն առաջացել է դեռևս 1994 թվականից: