«Թող հայաստանյան բոլոր ժամանակների իշխանությունները չբողոքեն սահմանամերձ գյուղերի բնակչության նվազումից». Արամ Սարգսյան

«Հանրապետություն» կուսակցության նախագահ Արամ Սարգսյանը ֆեյսբուքյան իր էջում լուսանկարներ է հրապարակել՝ կից գրելով. «Առաջին նկարում Աջաբաջի 16-րդ դարի եկեղեցին է, բացի փայտե խաչից, որը մեր ժամանակների է։ Գյուղը սահմանապահ է, ունի 16 բնակիչ, բայց հիմնական բնակվողները 4-ն են։

Երկրորդ նկարում Գեղի ջրամբարն է, որի հարևանությամբ անցնելու է Սիսիանից Քաջարան դուրս եկող թունելը, Հյուսիս-Հարավ ճանպարհի շրջանակում։

Ջրամբարի հենց փեշին Կավճուտ գյուղն է, որում, չզարմանաք, չկա ջրագիծ և խմելու ջուր։ Գյուղն ունի 11 աշակերտ։

Այս երկու գյուղերն էլ դրախտային գեղեցիկ են և ունեն ահռելի պոտենցիալ հարուստ ու երջանիկ համայք ունենալու համար, բայց նրանցում չկան կենցաղային տարրական պայմաններ ու թող հայաստանյան բոլոր ժամանակների իշխանությունները չբողոքեն սահմանամերձ գյուղերի բնակչության նվազումից»։