«Հայությունը կանգնած է 2 հիմնական մարտահրավերների առաջ». Ժիրայր Սեֆիլյան

ԱԺԲ խորհրդի անդամ Ժիրայր Սեֆիլյանի գրառումը. «Սիրելի՛ Հայրենակիցներ, առկա աշխարհաքաղաքական իրադարձությունները և դրանց հետևանքով Հայաստանին սպասվող մարտահրավերները գործող ապիկար և պատուհաս վարչապետի «կառավարմամբ» դիմավորելն անխուսափելիորեն հանգեցնելու է նոր պատերազմի, որի մեջ կրկին մտնելու ենք ռազմական առումով անպատրաստ և քաղաքականապես աշխարհից մեկուսացված։

Ուստի այսօր հայությունը կանգնած է երկու հիմնական մարտահրավերների առաջ.

1. Ժամանակավոր կառավարության ձևավորում

2. Ինքնապաշտպանության կազմակերպում:

Բնական է, որ այս խնդիրների լուծումն առանց գործող խամաճիկային ռեժիմի հեռացման անհնար է։

Այս իրավիճակում մենք պարտավոր ենք կազմակերպել մեր ժողովրդի նվիրյալ անհատների համախմբումը։

Մարդկանց, որոնք պատրաստ են Ամեն Ինչի իրենց երկրին տեր կանգնելու համար։ Մարդկանց, որոնք պատրաստ են մեծ զոհողությունների, որոնք պատրաստ են անձնազոհության հանուն Հայրենիքի»։