Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Այդտեղ է թաքնված Մեծ Բրիտանիայի իրական ուժը». Գոռ Աբրահամյան

«Այդտեղ է թաքնված Մեծ Բրիտանիայի իրական ուժը». Գոռ Աբրահամյան
242
Ուրբաթ, 09 սեպտեմբերի, 2022 թ., 20:36

Գլխավոր դատախազի խորհրդական Գոռ Աբրահամյանի գրառումը. «96-ամյա թագուհու մահը սգում է ամբողջ բրիտանական ժողովուրդը: Պետական համակարգը գործադրել է այս պահի համար նախատեսված արարողակարգային մի ամբողջ համալիր մեքենա, որը դեռ կշարունակվի ու կհանգուցալուծվի նոր միապետի պաշտոնակալության ծիսակատարությամբ: Շատերին այս ամենը թվում է ավելորդ ցուցադրականություն, պատմական ավելորդաբանություն կամ չափազանցված թատերականություն:

Մինչդեռ բրիտանացիների համար այս ամենը պետականության սիմվոլիկայի հանդեպ խորքային, ընդհուպ ենթագիտակացական մակարդակի նստված տված հարգանքի դրսևորում է, որը նրանց ինքնության անքակտելի մասն է դարձել դարեր ի վեր:

Այդտեղ է թաքնված Մեծ Բրիտանիայի իրական ուժն ու շարունակականության գաղտնիքը:

Իսկ ո՞րն է մեր ակնածանքի, ներշնչանքի աղբյուր պետականության մեր սիմվոլիկան: Այն սիմվոլը, որ դեռ չենք հասցրել աղավաղել, իմաստազրկել ու նսեմացնել...

Պետք է մի պահ մտածել զառամյալ թագուհու մահվան հետ կապված բրիտանական ամբողջ ծիսականությունը հեգնանքի առարկա դարձնելուց առաջ...»:

Աղբյուրը`   Գոռ Աբրահամյան