«Ռուսաստանի պարտությունը նոր մարտահրավերներ է բերելու և՛ մեր տարածաշրջանում, և՛ աշխարհում». Արա Պողոսյան

Քաղաքագետ Արա Պողոսյանի գրառումը․ «Իսկ միևնույն ժամանակ Ռուսաստանի ռազմավարական պարտությունը փոխելու է աշխարհաքաղաքական դասավորությունը, այդ թվում և մեր տարածաշրջանում։ Արևմուտքի հաջորդ թիրախը լինելու է Իրանը, իսկ այս պահին «միջուկային գործարքի» շուրջ ակտիվությունը կարծում եմ Իրանին Ռուսաստանի ռազմական պոտենցիալի նորոգման հարցում հնարավորինս չեզոք պահելն է։ Սակայն Իրանը ևս սա հասկանում է, ուստի պատահական չեն իրանական կողմի ռազմական պոտենցիալի ցուցադրության վերջին արարողությունները։

Թուրքիան ավելի քան խոցելի է Արևմուտքի համար, ուստի ավելի նախընտրելի, քանի որ Թուրքիայի դեմ միշտ կա մահակ, որից Թուրքիան ամենաշատն է վախենում, իսկ Իրանի դեպքում այդպիսի մահակ չկա, ուստի Իրանն ավելի անկախ գործող տարածաշրջանային պետություն է, ինչը բնականաբար ամենաքիչն է պետք Արևմուտքի ռազմավարական ծրագրերում։
Ուստի Ռուսաստանի պարտությունը նոր մարտահրավերներ է բերելու և' մեր տարածաշրջանում, և' աշխարհում, ուստի դժվար եմ հասկանում այդ տեսիլքից ցնծացողներին...»: