«Նիկոլին փրկելու ժամը չէ՛, հայրենիքը փրկելո՛ւ ժամն է». Գեղամ Մանուկյանը՝ ՔՊ-ին

«Այստեղ եմ եկել տասնյակ հազարավոր մեր հայրենակիցների խոսքը փոխանցելու ձեզ, այն մարդկանց խոսքը, որ հաշված ժամերի ընթացքում ինքնաբուխ շտապել էին Բաղրամյան պողոտա»,- ԱԺ ամբիոնից հայտարարեց «Հայաստան» խմբակցության պատգամավոր Գեղամ Մանուկյանը: Նրա խոսքով՝ պետականության կործանման վտանգի առաջ ենք. «Վիճակն օրհասական է, լուծումը մեկն է՝ նոր իշխանություն, նոր կառավարություն, նոր վարչապետ, որն այս վիճակից կարող է դուրս բերել: Նիկոլին փրկելու ժամը չէ, հայրենիքը փրկելու ժամն է... Մի պահ մտածեք, որ դավաճանի պիտակն ամեն մեկիդ կպնելու է»,- դիմելով ՔՊ-ին՝ հայտարարեց նա: