«Ես չեմ պատրաստվում Ռոբերտ Քոչարյանին ընտրել վարչապետ». Ռուբեն Ռուբինյան

«Լրագրողների՝ ինձ տրված հարցն այսօր հետևյալն էր՝ ընդդիմությունը նախաձեռնել է իմպիչմենթի գործընթաց, արդյոք միանալո՞ւ եք»,- ԱԺ ամբիոնից հայտարարեց փոխխոսնակ Ռուբեն Ռուբինյանը՝ հավելելով, որ «հարցն աբսուրդային էր». «Ո՛չ, ես չեմ պատրաստվում երբևէ Ռոբերտ Քոչարյանին ընտրել վարչապետ, բայց հարցը դա չէ. հարցը հետևյալն է՝ կա աքսիոմատիկ ճշմարտություն, երբ երկիրը կանգնած է կոնկրետ սպառնալիքի առաջ ու անհրաժեշտություն է առաջանում ռազմական ճանապարհով պաշտպանել սեփական տարածքային ամբողջականությունն ու ինքնիշխանությունը, ամենակարևոր բանը ներքին միասնությունն է: Սա չհասկանալու համար կա՛մ պիտի դավաճան լինես, կա՛մ տրվես էմոցիաներին»,- ասաց նա: