Դատարանն արդարացրեց Սայաթ Շիրինյանին

Երեւանի ընդհանուր իրավասության դատարանը՝ նախագահությամբ դատավոր Տաթևիկ Գրիգորյանի, հրապարակել է «Հայաստան» դաշինքի անդամ, ոստիկանության պահեստազորի գնդապետ Սայաթ Շիրինյանի գործով դատավճիռը. Շիրինյանն արդարացվել է:

Հիշեցնենք՝ նրան մեղադրանք էր առաջադրվել՝ ՀՀ քրեական օրենսգրքի 226.2-րդ հոդվածի 1-ին մասով (բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը):

Շիրինյանի նկատմամբ որպես խափանման միջոց էր ընտրվել ստորագրություն՝ երկրից չհեռանալու մասին: