«Հայաստանում ավարտվում է Ռուսաստանի ժամանակը». Նարինե Մկրտչյան

Մամուլի ազգային ակումբի նախագահ Նարինե Մկրտչյանի գրառումը․ «ՀԱՅԱՍՏԱՆՈՒՄ ԱՎԱՐՏՎԵԼ Է ՌՈՒՍԱՍՏԱՆԻ ԺԱՄԱՆԱԿԸ

Ուղիղ 9 տարի առաջ՝ 2013թ. սեպտեմբերի 13-ին, Մաքսային միությանն անդամակցելու՝ Աերժ Սարգսյանի հայտարարությունից հետո, «Առավոտ»-ում հոդված էի հրապարակել՝ «Ռուսաստանի ժամանակը» վերնագրով: 2016թ. ապրիլյան պատերազմից հետո, երբ շատերի համար պարզ դարձավ, որ Մոսկվան է սադրել պատերազմը, մեկ այլ հոդված հրապարակեցի 1in.am կայքում՝ «Ֆորպոստի ապստամբությունը» վերնագրով: Ֆորպոստը, պարզ է, Հայաստանն էր:

Երեկ ՄԱԿ-ում ՌԴ ներկայացուցչի ամոթալի ելույթից հետո պատրանքազերծ եղան անգամ մարտնչող և անհույս հայ ռուսամետները:
Եվ այժմ ոչ միայն ներկայի, այլև պատմության համար կարող եմ արձանագրել, որ այսօր Հայաստանում ավարտվում է Ռուսաստանի ժամանակը:

Չկարծեք, թե դա ՀՀ իշխանությունների քաղաքական ուղեգծի փոփոխության կամ հայ հանրության քաղաքական ինքնագիտակցության հետևանքով է: Բնավ, պարզապես Մոսկվան երեկ ՄԱԿ-ի ամբիոնից քողազերծ արեց իր քաղաքական ուղեգիծը, այն է՝ Ռուսաստանը Հայաստանի դաշնակիցը չէ, այլ ՀՀ թշնամիների գործընկերը: Դա հայտնի էր վաղուց, պարզապես Մոսկվան այդ մասին հայտարեց երեկ, ՄԱԿ-ի բարձր ամբիոնից:

Սակայն ինչո՞ւ մեր պետության հեռանկարները մաշվեցին՝ խորացնելով մեր կախյալությունը մի երկրից, որը Հայաստանի թշնամիների հետ հանցավոր համագործակցությամբ, 2016թ. ի վեր դարձել է պատերազմի կողմ և մարտնչում է Ադրբեջանի և Թուրքիայի ճամբարում՝ ընդդեմ Հայաստանի և հայ ժողովրդի: Եվ մեր կյանքի տարիներն անցան՝ անվերջ այդ մասին նախազգուշացնելով: Ռուսաստանի ժամանակը Հայաստանում ավարտվել է: Ցավոք, Հայաստանի աղետալի կորուստների գնով»: