«Հիմա հանկարծ Հայաստանի տարածքային ամբողջականությունը «սրբություն» են անվանում». Շարմազանով

ՀՀԿ խոսնակ Էդուարդ Շարմազանովն իր էջում գրել է. «Նիկոլն էր ասում՝ Գորիս-Կապան 21 կմ ճանապարհի ադրբեջանական մաքսատան տեղադրման այլընտրանքը «միջանցքային տրամաբանությունն» էր։

Այսինքն՝ Գորիս-Կապան ճանապարհը տվեցինք, որ միջանցքի պահանջ չլինի։ Տվեց, բայց միջանցքի թեման կա։ Այս տարի ասեցին՝ Բերձորն ու Աղավնոն տվեցինք, որ միջանցք չլինի։ Տվեցին Բերձորը, Սոսն ու Աղավնոն, բայց ոչ միայն միջանցք են ուզում, այլ նաև նոր հարձակում են ձեռնարկում ՀՀ-ի վրա։

Կանգնում, ասում էր՝ Սև լճի 30 տոկոսի համար հո պատերազմ չե՞ն սկսելու։ Իսկ հիմա հանկարծ Հայաստանի տարածքային ամբողջականությունը «սրբություն» են անվանում։ Դու Սև լճի 30 տոկոսի համար պատերազմ չէիր ուզում սկսել, հիմա ուզում ես ուրիշը քո փոխարեն գա պաշտպանի մեզ։ Տենց չի լինում»։