ԿԽՄԿ տվյալների համաձայն՝ 2020 թվականի պատերազմից հետո 303 հայ դեռ համարվում է անհետ կորած․ ՄԻՊ
 1271 Երեքշաբթի, 20 սեպտեմբերի, 2022 թ., 22:36 ՀՀ մարդու իրավունքների պաշտպան Քրիստիննե Գրիգորյանը տեսաուղերձով հանդես է եկել ՄԱԿ-ի Մարդու իրավունքների խորհրդի 51-րդ նստաշրջանի շրջանակում անցկացվող՝ Բռնի անհետացումների հարցերով աշխատանքային խմբի հետ քննարկմանը (տեսաուղերձը նկարահանվել է օգոստոսի 31-ին, քարտուղարության կանոնների համաձայն՝ ուղարկվել է սեպտեմբերի 8-ին)։ Տիկին Գրիգորյանն ընդգծել է, որ նման հանցագործության զոհերը զրկված են իրենց իրավունքներից և ենթակա են անմարդկային և արժանապատվությունը նվաստացնող վերաբերմունքի ու խոշտանգումների, արտադատական սպանությունների ենթարկվելու մեծ ռիսկի։ Հաճախ այն օգտագործվում է պետությունների կողմից որպես տեղեկատվական պատերազմի զենք՝ ընտանիքներում և ընդհանուր առմամբ, հասարակության մեջ սարսափ տարածելու համար: Պաշտպանը նշել է, որ ցավալիորեն, ամբողջ աշխարհում ընթացող հակամարտությունները բարենպաստ միջավայր են ստեղծել բռնի անհետացումների համար, և Հայաստանը դա գիտի իր օրինակով։ Կարմիր խաչի միջազգային կոմիտեի (ԿԽՄԿ) տվյալների համաձայն՝ 2020 թվականի պատերազմից հետո 303 հայ դեռ համարվում է անհայտ կորած։ Անհայտ կորածների մասին տեղեկությունների աղճատման կամ ընդհանրապես, տեղեկություններ չտրամադրելու ադրբեջանական քաղաքականությունը և քաղաքական առավելություններ ստանալու համար այդ հարցի օգտագործումը մարդու իրավունքների կոպիտ և շարունակական խախտում է։ Եզրափակելով ելույթը՝ տիկին Գրիգորյանն անդրադարձել է Հայաստանի կառավարությանը, որպես Մարդու իրավունքների ազգային ինստիտուտ, իր առաջարկին՝ ընդունել ազգային օրենսդրություն՝ ապահովելով իրավական միջոցներ և արդյունավետ ու ինստիտուցիոնալ կերպով արձագանքելով պատերազմի ընթացքում և դրանից հետո բռնի տեղահանված անձանց ընտանիքներին և զոհերին: Պաշտպանը կարևորել է նաև միջազգային շրջանակների և աշխատանքային խմբի մանդատի հետագա ամրապնդման անհրաժեշտությունը՝ տարածաշրջանային և գլոբալ մակարդակներում այդ նողկալի երևույթի դեմ պայքարելու նպատակով։ |
Վարդան Ղուկասյանի գործով դատական նիստը՝ ուղիղ միացմամ (տեսանյութ)
5213:10
«Չեն կարողանում մեծ ենթակառուցվածքային պրոեկտներ իրականացնել»․ Դանիել Իոաննիսյան
8613:06
«Եթե այս ամենի հիմքում չլիներ քաղաքական քիմքը, ապա կդրվեր «Շողակաթ»-ի եթերային բարելավման խնդիր»․ Հակոբ Բադալյան
9312:42
«Թալինի ՔՊ-ական քաղաքապետի հայհոյանքը՝ Մայր Աթոռի վրա գրոհի օրը». Սևակ Հակոբյան (տեսանյութ)
13211:57
«Ահա թե ինչու Փաշինյանն ընտրում է ԵԱՏՄ»․ Տիգրան Խզմալյան
14111:24
«Ո՞ւմ է ձեռնտու Հայաստանյայց Առաքելական Սուրբ Եկեղեցու Մոսկվայի պատրիարքության ծնունդը»․ Արա Պապյան
11710:24
«Ա՛յ մանիպուլյանտ, գիտական գործունեությամբ զբաղվելն էլ է «սովորել»»․ Գագիկ Համբարյան
11710:00
«Փաշինյանն ու ՔՊ-ն շատ ավելի հանդուրժող են Քոչարյանի ու Սերժի, քան Կարապետյանի հանդեպ»․ Թաթուլ Հակոբյան
17709:54