Զոհվածների հարազատները՝ «Եռաբլուր»-ում տեղի ունեցածի և ՄԱԿ-ում Փաշինյանի ելույթի մասին

«Հայելի ակումբում» ասուլիսի ժամանակ զոհված զինծառայողների հարազատներն անդրադարձել են Հայաստանի սահմաններին ստեղծված իրավիճակին, սեպտեմբերի 21-ին «Եռաբլուր»-ում տեղի ունեցած միջադեպին, Փաշինյանի՝ ՄԱԿ-ում ունեցած ելույթին․ «Որ ստեղ Հայաստանում էիր «ճղում քեզի», հիմա էնտեղ խոսայիր, ՄԱԿ-ում էդպես խոսեիր։

Ամբողջ ՀՀ սահմանն է դարձել առաջնագիծ, նվաստացրել են երկիրն ու բանակը, իսկ ժողովուրդը սպասում ա չգիտես՝ ինչի: Ձեր երեխաներին տանում են սահման, ու իրենց հետաքրքիր չի՝ ինչ կկատարվի այդտեղ: ՀՀ-ում բանակը գլխատել են, Արցախում բանակը վերացրել են, երևակայեք՝ անվտանգ տեղը դարձել է Արցախը, որովհետև ռուս խաղաղապահներն են կանգնած այնտեղ:

Ծնողների նկատմամբ «Եռաբլուր»-ում կատարվածով մեր արժանապատվությունը հերթական անգամ գետնին գցեցին, ցույց տվեցին, որ ոչ մի հարգանք չկա ոչ մեկի նկատմամբ»,- ասել են զոհվածների հարազատները։