«Աջակցում ենք Հայաստանի տարածքային ամբողջականությանը». Նիկոս Դենդիաս

Հայաստանի և Հունաստանի արտգործնախարարներն այսօրվա հանդիպման արդյունքներով հանդես են եկել մամուլի համար հայտարարությամբ: Նիկոս Դենդիասն իր խոսքում, մասնավորապես, ասել է. «Մենք շեշտել ենք, որ աջակցում ենք բոլոր պետությունների ինքնավարությանն ու տարածքային ամբողջականությանը, դա վերաբերում է նաև մեր լավ ընկեր հայերին: Մենք հավատում ենք սահմանների անքակտելիությանը, և այն, ինչ կատարվեց մի քանի օր առաջ, երբ Հայաստամի տարածքը ռմբակոծվում էր Ադրբեջանի զինված ուժերի կողմից, կցանկանայի մեջբերել պարոն Մակրոնին, ով ասաց՝ դատապարտում եմ այն, ինչ տեղի է ունեցել ի հակասումն խաղաղ բանակցություններին»: