Կիրակի, 27 նոյեմբերի, 2022 թ.
|
Ստեփանակերտում`   +11 °C

«Իշխանությունը կրում է մեր գերիների սպանդի ողջ պատասխանատվությունը». Հասմիկ Բաբաջանյան

«Իշխանությունը կրում է մեր գերիների սպանդի ողջ պատասխանատվությունը». Հասմիկ Բաբաջանյան
248
Կիրակի, 02 հոկտեմբերի, 2022 թ., 14:12

Լրագրող Հասմիկ Բաբաջանյանը ֆեյսբուքյան իր էջում գրել է. «Հնարավոր չէ գերիների սպանդը նայել։ Երիցս նզովյալ լինեն նրանք, ովքեր տեղյակ են այդ սպանդին, բայց հուսով սպասեցնում են հարազատներին։ Ինչքա՜ ն մայրեր են աչքները ջուր կտրած սպասում իրենց զավակներին։
Մի բանում եմ համոզվում։ Նախորդ պատերազմներում, երբ մեր զինվորները գերի չէին հանձնվում, գիտեին, որ գերի հանձնվելն ավելի սարսափելի է, քան սպանվելը։ Տիրապետում էին գերության ադրբեջանական բոլոր սարսափներին։ Մի նռնակն ու փամփուշտն է եղել գերի չհանձնվելու մեր զինվորի պատասխանը։ Այս պատերազմի ժամանակ Ադրբեջանին ներկայացնելով որպես աղավնի, Ալիևին որպես կուլտուրական մարդ, որ խաղասիրության է ձգտում, իշխանությունը կրում է մեր գերիների սպանդի ողջ պատասխանատվությունը»: