Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Ղարաբաղում պետք է գիտակցեն, որ 44-օրյա պատերազմի ընթացքում Ռուսաստանը պատերազմի փաստացի կողմ էր». Նարինե Մկրտչյան

«Ղարաբաղում պետք է գիտակցեն, որ 44-օրյա պատերազմի ընթացքում Ռուսաստանը պատերազմի փաստացի կողմ էր». Նարինե Մկրտչյան
316
Շաբաթ, 08 հոկտեմբերի, 2022 թ., 02:06

Մամուլի ազգային ակումբի նախագահ Նարինե Մկրտչյանի գրառումը․ «Որքան էլ մեծ լինեն վհատությունն ու հուսաբեկությունը՝ Ղարաբաղի իշխանությունն ու հանրությունը քաղաքական հեռատեսությունը, ողջամտությունն ու սթափությունը պետք է պահպանեն: Երբ աշխարհը մերժում է ռուսական օկուպացիան և Ուկրաինայի տարածքի բռնակցումը, Ստեփանակերտը չպետք է ակամա ռուսական օկուպացիայով ոգևորվի՝ դիմելով դրանց օրինակով ճանաչել Ղարաբաղի անկախությունը:

Ղարաբաղի պայքարը պայքար է ինքնորոշման իրավունքի, հայկականության և ֆիզիկական անվտանգության պահպանման համար, իսկ ուկրաինական տարածքները բռնազավթվել են Մոսկվայի կողմից և բռնակցվել են ՌԴ-ին: Ղարաբաղում պետք է գիտակցեն, որ 44-օրյա պատերազմի ընթացքում Ռուսաստանը պատերազմի փաստացի կողմ էր, և Ղարաբաղը զոհաբերվեց ռուս-ադրբեջանաթուրքական դավադրությանը:

Մեր պայքարը հանուն Ղարաբաղի չի ավարտվել: Նիկոլ Փաշինյանն այդ պայքարն անասելի բարդացրել է, զրոյացրել Ղարաբաղի բոլոր նվաճումները, սակայն Ղարաբաղի փրկությունն ու ազատագրումը եղել և մնում է ողջ հայ ժողովրդի պարտքն ու իրավունքը: Եվ ցանկացած իշխանություն այդ պայքարում անցողիկ է»:

Աղբյուրը`   Նարինե Մկրտչյան