Երկուշաբթի, 23 փետրվարի, 2026 թ.
|
Ստեփանակերտում`   +5 °C

«ՍԴ դատավոր են ընտրել, որի ուղեղը կազմված է միայն «Մարտի 1» բառակապակցությունից»․ Աղվան Վարդանյան

«ՍԴ դատավոր են ընտրել, որի ուղեղը կազմված է միայն «Մարտի 1» բառակապակցությունից»․ Աղվան Վարդանյան
209
Երկուշաբթի, 10 հոկտեմբերի, 2022 թ., 13:00

Խորհրդարանական ճեպազրույցի մեկնարկին «Հայաստան» խմբակցության պատգամավոր Աղվան Վարդանյանը հանդես եկավ ներածական խոսքով․ «Շնորհավորում եմ. անցած շաբաթ հայկական ժողովրդավարությունը նոր փայլուն նվաճումներ արձանագրեց, մենք ունենք ԿԸՀ նախագահ՝ միակուսակցական համակարգից, մենք ունենք ԲԴԽ նախագահ՝ նույն տեղից, ՍԴ դատավոր են ընտրել, որի ուղեղը կազմված է միայն «Մարտի 1» բառակապակցությունից, նաև ՄԻՊ ունենք՝ նույն թևից, այնպես որ, տարօրինակ է, որ միջազգային կառույցները, դեսպանատները չեն ողջունում այս առաջընթացը»։

Այնուհետև պատգամավորն անդրադարձավ իշխանությունների վարած արտաքին և ներքին քաղաքականությանը՝ զուգահեռներ տանելով Փաշինյանի նախորդ ու ներկա հայտարարությունների միջև․ «Ասել է՝ ժողովրդավարություն եմ բերում, միակուսակցական բռնապետություն է փորձում խաղալ, ասել է՝ խաղաղություն է բերում, բերել է պատերազմ, ասել է՝ առանց Արցախ Հայաստան չկա, ասում է՝ Արցախ չկա, 2021-ին ասել է՝ Արցախի ինքնորոշում, Շուշիի, Հադրութի դեօկուպացիա, հետո ասում է՝ ի վիճակի չենք պաշտպանել Արցախի ժողովրդի իրավունքները, ազատությունը, անվտանգությունը, ասել է՝ ՀՀ սահմանները, ինքնիշխանությունը կարմիր գիծ են, սակայն Ադրբեջանը մտել է ՀՀ, նա շարունակում է բանակցել «հավաստի աղբյուրի» նորանոր զիջումներով։ Պատերազմից հետո սահմանագիծն ամրացնելու փոխարեն 200 մլն դոլար պարգևավճար են տվել, տասնյակ միլիոններ ուղղել են ԱԱԾ, Ոստիկանություն, ՊՊԾ, Քննչական, միլիարդների այլ անիմաստ ծախսեր արել»։