«Քաղաքական փակուղի կամ Նիկոլի վախը». Սուրեն Սուրենյանց

252

Երեքշաբթի, 11 հոկտեմբերի, 2022 թ., 17:48

Քաղաքագետ Սուրեն Սուրենյանցը գրում է. «Քաղաքական փակուղի կամ Նիկոլի վախը

Նիկոլ Փաշինյանն ուզո՞ւմ է պայմանագիր ստորագրել Ադրբեջանի հետ: Թերևս, բայց Նիկոլը պետական գործչի մակարդակի չի հասել ու անգամ այս կարևոր հարցը կապում է ներքաղաքական հաշիվների հետ: Պայմանագիրը Հայաստանի համար ցավոտ է լինելու ու գուցե այն ստորագրող Փաշինյանը զրկվի իշխանությունից: Հենց դա էլ Նիկոլին հեռու է պահում փաստաթուղթ ստորագրելուց. նա փորձում է ժամանակ ձգել՝ թերևս ավելի նախընտրելի համարելով Ալեքսանդրապոլ-2-ի ուրվականը, քան իշխանության կորուստը:

Ցավոք, Փաշինյանը չի գիտակցել, որ Ալեքսանդրապոլ-2-ի ռեժիմն իր համար փակում է անգամ «հումանիտար միջանցքի» ճանապարհը, որովհետև Քոչարյանի համար միևնույն է՝ իշխանության կգա «դավաճան» Փաշինյանին տապալելո՞ւ, թե՞ Հանրապետության փլատակների վրա: Հայաստանը խիզախ առաջնորդի անհրաժեշտություն ունի, որը կկարողանա պայմանագիր կնքելով՝ Ալեքսանդրապոլ-2-ը կանխել, հասարակության հետ անկեղծ խոսելով՝ Քոչարյանի «խռովությունը» լուսանցքում թողնել»:

Աղբյուրը` Սուրեն Սուրենյանց