«Այս ամենը չէր լինի անգամ նոյեմբերի 9-ից հետո, եթե Նիկոլը 2020-ին գնար». Արմեն Աշոտյան

ՀՀԿ փոխնախագահ Արմեն Աշոտյանի գրառումը․ «Հայ ժողովրդի այսօրվա ողբալի վիճակը տեսնելով՝ հիմա հասկանո՞ւմ ենք, որ Նիկոլն այս ամենն արել է 2018-ից սկսած, իսկ 2020-ի միջանկյալ կապիտուլյացիայից հետո՝ էլ ավելի մեծ թափով և նպատակասլաց։

Հասկանո՞ւմ ենք, որ այս ամենը չէր լինի անգամ նոյեմբերի 9-ից հետո, եթե.

1. Նիկոլը դեռ 2020-ին գնար և չվերադառնար։

2. Նիկոլը չգնար 2021-ի ընտրություններին և չվերընտրվեր։

Ընդդիմության դերի մասին այս ծայրահեղ օրհասական վիճակում դեռ կխոսեմ մոտակա ուղիղ եթերներիցս մեկում։ Բայց, ցավներդ տանեմ, ժողովո՛ւրդ ջան, վերջիվերջո, իշխանություն-ընդդիմություն, чума на оба ваших дома, մեզանով է, ձեզանով է մեր վերջնական կործանման հարցը կասեցվելու։ Ես դեպուտատ չեմ, ոչ մեկ եմ, ձեզանից մեկն եմ, ասեք՝ ի՞նչ անենք։

Բայց ստից չէ, ձևական չէ, հոգու հանգստության համար չէ, խիղճը վաստակած հանգստի ուղարկելու չէ: Ռեալ, իրական, էֆեկտիվ, որոշիչ։ Գրեք ինձ նաև անձնական նամակով, և իմ գալիք եթերում մանրամասն կխոսեմ ձեր առաջարկների մասին։ Կանխավ՝ ապրե՛ք և ապրեցնե՛նք»։