Իգական սեռի ներկայացուցիչները կարող են մարտական պատրաստություն անցնել. ՊՆ-ն հայտարարությամբ հանդես կգա

«Մշակված ծրագիր ունենք և շուտով Պաշտպանության նախարարությունը հանդես կգա հայտարարությամբ, որ ՀՀ իգական սեռի ներկայացուցիչները կարող են հերթագրվել և համապատասխան հրաձգարաններում անցնել մարտական զենքից կրակային պատրաստություն: Այսինքն՝ սա ցանկության դեպքում»,- Կառավարության նիստում ասաց Պաշտպանության նախարար Սուրեն Պապիկյանը:

«Կգան, տեղում՝ ժամաքանակը, հագուստը և այլն, կհստակեցվի, թե ինչ է պետք իր մասնակցության համար»,- ասաց նա:

Վարչապետ Նիկոլ Փաշինյանը հավելեց, որ հիմա զենքի ոլորտում բարեփոխումների են գնում և օրենսդրական փոփոխություններ է իրականացվում. «Զենքին տիրապետելը, կամ ծանոթ լինելը զենքի հետ, կարծում եմ, ոչ մեկին վնաս չի տա. դա նույնպես գիտելիք է, որը ոչ մեկին չի խանգարելու»,- ասաց նա: