Ուրբաթ, 22 սեպտեմբերի, 2023 թ.
|
Ստեփանակերտում`   +14 °C

«ԵՄ-ն չի ընդունելու և թույլ չի տալու որևէ ճանապարհ, որը կխախտի ՀՀ տարածքային ամբողջականությունը». Գայանե Աբրահամյան

«ԵՄ-ն չի ընդունելու և թույլ չի տալու որևէ ճանապարհ, որը կխախտի ՀՀ տարածքային ամբողջականությունը». Գայանե Աբրահամյան
188
Ուրբաթ, 14 հոկտեմբերի, 2022 թ., 17:12

ԱԺ նախկին պատգամավոր Գայանե Աբրահամյանի գրառումը․ «Վերջին 4 օրերին Բրյուսելում քաղհասարակության մի շարք ներկայացուցիչների հետ Եվրոմիության խորհրդարանի պատգամավորներին և Եվրոպական հանձնաժողովի բարձրաստիճան պաշտոնյաներին ներկայացրել ենք Ադրբեջանի կողմից իրականացված պատերազմական սարսափելի հանցագործությունները, զինվորների և քաղաքացիական անձանց վայրագ խոշտանգումներն ու հայատյացության այլ դրսևորումներ, Ալիևի քաղաքականության, Արցախում էթնիկ զտման վտանգները, ադրբեջանաթուրքառուսական հանցավոր ալյանսի ծրագրերն ու Հայաստանի սուվերենության դեմ հարձակումները։

Պետք է շեշտեմ, որ գրեթե բոլոր մակարդակներում, այդ թվում՝ ամենաբարձր որոշում կայացնողների շրջանակներում հստակ առկա էր մոտեցում.

- Հայաստանի պետական սահմանների և սուվերեն տարածքի դեմ իրականացված ադրբեջանական ագրեսիան անընդունելի է և տարածքային ամբողջականության վերականգնումն անխուսափելի պահանջ է։

- ԵՄ-ն չի ընդունելու և թույլ չի տալու որևէ ճանապարհ, որը կխախտի ՀՀ տարածքային ամբողջականությունը, էքստերիտորիալ ճանապարհի (միջանցք հորջորջվող) Ալիևի պնդումները ԲԱՑԱՐՁԱԿ ընդունելի չեն և այս մասին խստորեն զգուշացվել է դիկտատորը։

- Արցախի հարցը փակված չէ և Արցախի ժողովրդի անվտանգությունն ու իրավունքների պաշտպանությունը պետք է ապահովվի, առկա է ընկալում, որ արցախցիները չեն կարող մնալ Ալիևի դիկտատուրայի հայեցողությանը և իր պնդումները, թե դա իր ներքին հարցն է ու ինքն է լուծելու հարցերը՝ ընդունելի չեն։

- Դեմարկացիա և դելիմիտացիայի գործընթացը չի կարող լինել ուժի գործադրման մշտական ՍՊԱՌՆԱԼԻՔԻ ներքո և այս առումով խիստ կարևոր է ավելի ընդլայնել և երկարաձգել ԵՄ մոնիթորինգային առաքելությունը»:

Աղբյուրը`   Գայանե Աբրահամյան