«Այսօր ՆԱՏՕ-ն ու Արևմուտքն անհանգստացած են բացառապես ռուսական ու իրանական ազդեցությունից Հայաստանում»․ Շարմազանով

ՀՀԿ խոսնակ Էդուարդ Շարմազանովը «Հայելի» ակումբում խոսել է ստեղծված իրավիճակում Արևմուտքի դերի մասին․ «Մակրոնը Նիկոլի հետ ասուլիս է տալիս Փարիզում, խոսում է 44-օրյա պատերազմի արդյունքներից, ոչ թե ասում են Շուշիի հանձնում, 800․000 հեկտարի գրավում Ադրբեջանի կողմից, ոչ թե շուրջ 190 բնակավայրերի հանձնում, մշակութային ժառանգության հանձնում, տասնյակ հազարավոր փախստականների, հազարավոր զոհերի, վիրավորների մասին, այլ ասում են՝ պատերազմի արդյունքում ռուսական ներկայությունը տարածաշրջանում ավելացավ, այսինքն՝ Արևմուտքը թքած ունի ամեն ինչի վրա, իրենց համար խնդիրը նրանում է, որ ռուսական խաղաղապահներ են մտել․․․ սա է խոսում արևմտյան ցինիզմի մասին»։

«Կոնգրեսականները հիմա գալիս են, ասում են՝ պետք է փրկեն մեզ, ի՞նչ եք կարծում՝ ԱՄՆ-ն, կամ Արևմուտքը, կամ ՆԱՏՕ-ն Թուրքիայի ու ադրբեջանական շահը դնելու են մի կողմ, ադրբեջանական գազը ու նավթը դնելու են մի կողմ, հանկարծ մտածեն հայ ժողովրդի մասի՞ն։ Իսկ ՆԱՏՕ-ի ներկայացուցիչն ո՞վ է այստեղ՝ Թուրքիան։ Այսօր ՆԱՏՕ-ն ու Արմուտքը անհանգստացած են բացառապես ռուսական ու իրանական ազդեցությունից Հայաստանում, քանի որ Պեկին-Մոսկվա-Թեհրան գիծը բավականին սկսել է աշխատել, այդ եռանկյունին աշխատելու է»,- հավելել է Շարմազանովը: