Չավուշօղլուն բողոքել է, որ ԵԱՀԿ-ն դիտորդներ է գործուղում հայ-ադրբեջանական սահման

Թուրքիայի արտաքին գործերի նախարար Մևլութ Չավուշօղլուն քննադատել է ԵԱՀԿ-ի դիտորդական առաքելության գործուղումը հայ-ադրբեջանական սահման։ «Դիտորդներ կամ որևէ այլ պատվիրակություն ուղարկելով ռեգիոն՝ դու անգամ Ադրբեջանի կարծիքը չես հարցնում։ Ակնհայտորեն նրանք (ԵԱՀԿ) Հայաստանին աջակցելու նպատակ ունեն։ ԵԱՀԿ-ն փակուղու մեջ է։ Ընդունված որոշումները հիմա հակասում են ԵԱՀԿ-ի գործող կանոններին»,- ասել է թուրք պաշտոնյան, փոխանցում է «Էրմենիհաբեր»-ը:

Հիշեցնենք՝ ԵՄ դիտորդական առաքելության 40 հոգանոց խումբ է ժամանելու Հայաստան: ԵԱՀԿ-ն էլ հաստատել է, որ հոկտեմբերի 21-ից 27-ը կարիքների գնահատման առաքելություն է գործուղելու Հայաստան։