«Բա անեիք, չէի՞ք տեսնում, որ թշնամին չորս անգամ ավելի գումար է հատկացնում բանակին». Վահրամ Աթանեսյան

Քաղաքական վերլուծաբան Վահրամ Աթանեսյանը գրում է. «2018թ․ Հայաստանի ռազմական ծախսերը կազմել են 247 մլրդ 895 մլն դրամ կամ մոտ կես միլիարդ դոլար։ Նույն տարում Ադրբեջանը պաշտպանության ոլորտին հատկացրել է շուրջ երկու միլիարդ դոլար կամ 3,3 միլիարդ մանաթ։ Հիմա մարդիկ խոսում են Հայաստանը «ռազմական ռելսերի վրա դնելու» և «բալանսը վերականգնելու» մասին։ Բա անեիք, չէի՞ք տեսնում, որ թշնամին չորս անգամ ավելի գումար է հատկացնում բանակին, քան՝ դուք (մենք)։ Բանակի ուղեղային կենտրոնի մասին խոսողը նույն ուղեղային կենտրոնին խնդիր դրե՞լ է՝ նման դիսբալանասի դեպքում եթե պատերազմ սկսվի, ի՞նչ ելք է կանխատեսվում։ Եթե խնդիր դրել է՝ ի՞նչ ուղեղային պատասխան է ստացել։ Ո՞ւմ և ինչպե՞ս է ինքը զեկուցել, Անվտանգության խորհորդը քննարկե՞լ է ռազմա-ստրատեգիական իրավիճակը, քաղաքական ի՞նչ եզրակացության են եկել։ Եվ էլի բազմաթիվ հարցեր։ Թե չէ հետին թվով «Մաժինոյի գծի» առասպել ինչքան ասես՝ կարելի է գեներացնել։ Մանավանդ, երբ դիմացը մի քանի գյուղաբնակ կին է»։