«Եկեք պատռենք Արցախն ուրացող այս և նմանատիպ այլ փաստաթղթերը». Գեղամ Մանուկյան

ԱԺ-ում հայտարարությունների ժամ է, որին մասնակցում է նաև ընդդիմությունը: «Արդեն երկու շաբաթ մամուլում շրջում է անգլերեն մի փաստաթուղթ, որը մշակվել է Վաշինգթոնում՝ ԱՄՆ հովանավորությամբ, որին Պրահայում հավանություն են տվել Փաշինյանն ու Ալիևը, որտեղ արձանագրվում է՝ ՀՀ-ը վերջնականապես ձեռքերը լվանում է Արցախից, ինքնորոշման իրավունքից, մեր երեսնամյա պայքարից (իշխանութունները որևէ բառ չեն խոսել, չեն հերքել):

Այս դահլիճում անվտանգության աշխատակիցները բռնությամբ հեռացրին ինձ ամբիոնից, քանի որ հայտարարել էի՝ Արցախն ուրացողը դավաճան է, ավելի ուշ Ռուբեն Ռուբինյանն էլ համաձայնեց ու կրկնեց, որ Արցախն ուրացողը դավաճան է: Դե եկեք պատռենք Արցախն ուրացող այս և նմանատիպ այլ փաստաթղթերը, մերժենք դրանք, մերժենք ուրացողին ու ուրացողներին»,- հայտարարեց «Հայաստան» խմբակցության պատգամավոր Գեղամ Մանուկյանը և պատռեց թուղթը: