«Առանց հստակ ակնկալիքի նետվելը դեպի Արևմուտք՝ կործանարար է մեր երկրի համար»․ Տիգրան Թորոսյան

ԱԺ նախկին նախագահ Տիգրան Թորոսյանը 168.am-ին տված հարցազրույցում խոսել է Հայաստանի արտաքին քաղաքական վեկտորի փոփոխության մասին. «Եթե որևէ մեկն ասում է, որ այս ճանապարհը չպետք է շարունակենք, այլ պետք է ընտրենք այլ ճանապարհ, ապա պետք է ներկայացնի՝ ո՞րն է դրա նպատակը, որո՞նք են մոտեցումները, և նկարագրի ակնկալվող ձեռքբերումներն ու կորուստները: Բայց ոչինչ չեն ասում, ուղղակի հայտարարում են ցանկություններ, և այդ դեպքում արդյունքները լինում են աղետալի: Դրա վառ օրինակն է Ուկրաինան, միայն ասում էին, որ ձգտում են ԵՄ անդամակցության, ՆԱՏՕ և այլն՝ իրականում ոչինչ չպատկերացնելով։ Եվ դա հանգրեցրեց նրան, որ Արևմուտքը ոչ մեկ անգամ հայտարարեց, որ պետք է կռվել Ռուսաստանի դեմ մինչև վերջին ուկրաինացին, բայց Արևմուտքը՝ ինքը, կռվել չի պատրաստվում: Նույնը Հայաստանում է, առանց հստակ ակնկալիքի՝ նետվելը դեպի Արևմուտք՝ պարզապես կործանարար է մեր երկրի համար»:

Շարունակելով թեման Թորոսյանը նշել է․ «Մհեր Գրիգորյան-Շահին Մուստաֆաև հանդիպումները մինչև հիմա տեղի էին ունենում Մոսկվայում, շուտով՝ նոյեմբերի առաջին օրերին, նրանց հանդիպումը տեղի է ունենալու Բրյուսելում։ Նրանք, ովքեր փոխում են ուղղությունը, պետք է բացատրություն ներկայացնեն, թե ինչո՞ւ են փոխում. չի կարելի մեկ այս, մեկ այն կողմ նետվել, սա ընդունված հարաբերությունների ձև չէ, ի վերջո, պետք է կողմնորոշվել։ Հնարավոր է, որ Ադրբեջանն իր ստացածով ժամանակավորապես դադար տա, բայց դա ժամանակավոր դադար է լինելու»։

Մանրամասները՝ տեսանյութում: