«Սպարապետի հրավերով եմ եկել Հայաստան՝ ներդրումներ անելու»․ Տիգրան Արզաքանցյան

«Ուժը հայրենյաց» կուսակցության նախագահ Տիգրան Արզաքանցյանը լրագրողների հետ զրույցում պատմել է․ «Ես Հայաստան 1997 թվականից եմ եկել՝ Սպարապետի հրավերով։ Եկել եմ, ներդրումներ կատարել, զբաղվել բիզնես ոլորտով։ Սպարապետը ասում էր՝ մենք մեզանից պետք է սկսենք մեր երկիրը ծաղկեցնել, զարգացնել»։

Արզաքանցյանը նաև խոսել է հոկտեմբերի 27-ի ահաբեկչության մասին, նրա խոսքով՝ «Տհաճ մարդիկ, որ այս սև գործն արեցին, իրենք գիտեն՝ ով, ինչ է արել, հիմա ես չեմ կարող անուններ տալ, ասել՝ այս մարդկանց շնորհիվ է այս ամեն ինչը կատարվել, իրենք լսում են, որ իրենք են այս չար գործը կատարել, ազգի հերոսներին ժամանակից շուտ հասցրին գերեզման»։