«Արդյո՞ք Էրդողանը չի փորձում նստել Ձեր ուսերին». հարց՝ Պուտինին

ՌԴ նախագահ Վլադիմիր Պուտինը Վալդայան ակումբի ասուլիսի ժամանակ անդրադարձավ Թուրքիայի նախագահ Ռեջեփ Էրդողանի մասին հարցին՝ արդյո՞ք, ինչպես 2 տարի առաջ, կարծում է, որ վերջինը պինդ տղամարդ է և պոչ չի խաղացնում: «Թուրքիայի նախագահ Ռեջեփ Թայիփ Էրդողանը ուժեղ, ամուր առաջնորդ է, ով առաջնորդվում է առաջին հերթին ու բացառապես թուրք ժողովրդի և տնտեսության շահերով։ Մեծ չափով դա բացատրում է նրա դիրքորոշումն էներգետիկ հարցերի, «Թուրքական հոսքի» կառուցման վերաբերյալ»,- ասաց Պուտինը: Հարցին՝ իսկ նա չի՞ փորձում նստել ուսերին, Պուտինը պատասխանեց, որ ճիշտ է, որոշ հարցերում իրենք բարդ երկխոսություններից ու բանակցություններից հետո են հասնում համաձայնության, ինչպես, օրինակ, Սիրիայում, սակայն կա միտում երկու կողմից՝ հասնել կարգավորման և դրան, ի վերջո, հասնել ստացվում է: «Չի կարելի ասել, թե պարոն Էրդողանը փորձում է նստել ուսերին, նա պաշտպանում է իր երկրի շահերը»,- ասաց Պուտինը: