«Հայաստանը գլորվում է դեպի ապազգային բռնապետություն. ՀՀ իշխանությունների դիրքորոշումը դավաճանական է»․ Զատուլին

ՌԴ Պետդումայի պատգամավոր, ՌԴ ԱՊՀ գործերի եվրասիական ինտեգրման և հայրենակիցների հետ կապերի հանձնաժողովի նախագահ Կոնստանտին Զատուլինը 24 TV-ին տված հարցազրույցի ընթացքում խոսել է ՀՀ իր մուտքը արգելելու մասին․ «Ինձ համար ակնհայտ է, որ սա պատահականություն չէ, այլ միանգամայն բնական պահվածք՝ Հայաստանի ներկայիս իշխանության նոր կուրսով պայմանավորված, որը գայթակղվում է Արևմուտքի հետ մերձենալու հնարավորությունից։ Իսկ Արևմուտքում իսկապես ցանկանում են Ռուսաստանին դուրս մղել Կովկասից և դուրս թողնել նրան հայ-ադրբեջանական հակամարտության կարգավորումից»:

Անդրադառնալով ՀՀ ներկայիս իշխանությունների վարած քաղաքականությանը՝ Զատուլինը նշել է․ «Հայաստանը գլորվում է դեպի ապազգային բռնապետություն. Հայաստանի իշխանությունների դիրքորոշումը՝ Արցախի հարցում նշաձողն իջեցնելու և ամեն գնով խաղաղության պայմանագիր ստորագրելու վերաբերյալ դավաճանական է»։