«Տպավորություն է, որ Ռուսաստանն է հրահրում այս իրավիճակը․ Ռուսաստանը պետք է պատասխան տա»․ Վ. Մանուկյան

Հայ-ռուսական «Լազարևյան ակումբի» 5-րդ նիստի ընթացքում ՀՀ նախկին վարչապետ Վազգեն Մանուկյանը հայտարարել է, որ «Ռուսաստանն անընդհատ հրահրում է ՀՀ իշխանությունների փոքր խարդավանքները, թե նախկինները ծախել են Ղարաբաղը»: «Ռուսաստանն իր խոսքերով, գործերով կամ «չգործերով» անընդհատ կարծես հրահրում է այդ ուղղությամբ, այդ պատճառով շատ հեշտ է սովորական մարդկանց համոզել, որ իրենք ճիշտ են։ Այստեղ շատ հարցեր կան նաև Ռուսաստանին. երբեմն այնպիսի տպավորություն է, որ Ռուսաստանը դիտավորյալ ուզում է, որ Հայաստանում ստեղծվի նման տրամադրություն, ՌԴ-ն մեզ պետք է պատասխանի՝ ինչո՞ւ է դա անում»,- ասաց Մանուկյանը։