«Նստեք Իլհամ Ալիևի հետ և որոշում կայացրեք». Լուկաշենկոն՝ Փաշինյանին

Համացանցում տեսանյութ է տարածվել ՀԱՊԿ նիստից, որտեղ Բելառուսի նախագահ Ալեքսանդր Լուկաշենկոն, դիմելով ՀՀ վարչապետ Նիկոլ Փաշինյանին, կոշտ տոնով ասում է. «Դուք մեր առջև երկու հարց եք դրել, առաջինը, կարդում եմ՝ իրադարձությունների գնահատական և ՀԱՊԿ-ի դիրքորոշում...Դուք ինչ է, չգիտե՞ք մեր դիրքորոշումը: Մենք ուզում ենք, որ հարևան պետությունների միջև հակամարտությունը խաղաղ ճանապարհով կարգավորվի: Երկրորդ հարցը՝ տվեք Հայաստանի տարածքային ամբողջականության վերականգնման ճանապարհային քարտեզը: Ի՞նչ ճանապարհային քարտեզ: Ես ձեզ միանգամից կպատասխանեմ, նստեք Իլհամ Ալիևի հետ, եթե անհրաժեշտ է՝ խնդրեք ՌԴ նախագահին ու ընդունեք որոշում: Այսօր չընդունեք, ավելի վատ կլինի, ինքներդ էլ եք դա հասկանում.... մեզ պետք չէ այս հակամարտությունը»:

Ավելի վաղ Լուկաշենկոն ասել էր նաև հետևյալը. «Այսօր Ադրբեջանը գլխավորում է բացարձակապես մեր մարդը՝ Իլհամ Ալիևը։ Ինչ կլինի վաղը՝ ոչ ոք չգիտի։ Ուստի այս սուր հարցերը, որոնց մասին խոսում է Նիկոլ Վովաևիչը, իսկապես հիմա պետք է լուծվեն...»: