Ուրբաթ, 22 սեպտեմբերի, 2023 թ.
|
Ստեփանակերտում`   +14 °C

«Արծվաշենի հարցը չի քննարկվել և չի քննարկվում հայ-ադրբեջանական բանակցությունների և ոչ մի հարթակում». Կարեն Հեքիմյան

«Արծվաշենի հարցը չի քննարկվել և չի քննարկվում հայ-ադրբեջանական բանակցությունների և ոչ մի հարթակում». Կարեն Հեքիմյան
157
Շաբաթ, 29 հոկտեմբերի, 2022 թ., 00:36

«Քաղաքացու իրավունքների պաշտպան» ՀԿ նախագահ Կարեն Հեքիմյանի գրառումը. «Սա ՀՀ անբաժանելի մաս կազմող Արծվաշենն է: Արծվաշենը 1992թ. օկուպացվել է Ադրբեջանի կողմից: Արծվաշենի հարցը չի քննարկվել և չի քննարկվում հայ-ադրբեջանական բանակցությունների և ոչ մի հարթակում: Արծվաշենն ընգրկված չէ «խաղաղության» պայմանագրի «վաշինգթոնյան» և «մոսկովյան» տարբերակներում: Այն չկա «եվրոպական», «իրանյան» և մի շարք եսիմինչյան տարբերակներում: Արծվաշենը չի հիշատակվում Պուտին Վլադիմիրի, Ջո Բայդենի, Էմանուել Մակրոնի և մնացածների կողմից:

Ավելին՝ Արծվաշենի մասին աշխատում են լռել ՀՀ նախկին և ներկա բարձրաստիճան պաշտոնյաները և քաղաքական գործիչները: Միակ անձը, որը պարզաբանեց Արծվաշենի շուրջ առկա լռությունը, Փաշինյան Նիկոլն էր: Վերջինս ասաց, որ արծվաշենցիները «չուզող հարևաններ են»:

Մեծ հաշվով, ես շնորհակալ եմ Փաշինյան Նիկոլին, քանզի ճիշտ խոսելը վատ բան չէ: Եվ, եթե Հայաստանի կողմից Արծվաշենը հարևան է դիտարկվում, ապա առաջարկում եմ Հայաստանի հետ իրականում հարևանություն անել: Այլ տարբերակ այլևս չկա»:

Աղբյուրը`   Կարեն Հեքիմյան