«Պետք է խնդիրներին նայել մեր շահերի տեսանկյունից». Տաթևիկ Հայրապետյան

ԱԺ նախկին պատգամավոր Տաթևիկ Հայրապետյանը ֆեյսբուքյան իր էջում գրել է. «Մեր շատ խնդիրներ կլուծվեն, եթե վերջապես հասկանանք, որ պետք չի ռուսից ավելի ռուս լինել, ամերիկացուց ամերիկացի, իրանցուց իրանցի։ Պետք է մնալ հայ ցանկացած իրավիճակում, նայել խնդիրներին մեր շահերի տեսանկյունից, սպասարկել սեփական պետության շահը՝ օգտվելով ուրիշների հետ շահերի համադրումից։ Ցավոք, շատերը չեն տեսնում, որ ռուսը խոսելիս իր շահերին համահունչ է խոսում, նույնն անում է ամերիկացին, նույնը՝ այլոք։ Իսկ մեր մեջ դեռ դիսկուրսները նրա շուրջ են, թե ով մեր երկիրը կփրկի ռո՞ւսը, թե՞ ամերիկացին։ Պատասխանն այնքան պարզ է. ոչ ոք, մեզ փրկողն էլ ենք մենք մեր աշխատանքով, խելքով ու կամքով, կործանողն էլ ենք մենք մեր անգործությամբ, անխելքությամբ ու թուլությամբ։ Մնացածն անօգուտ քննարկումներ են»։