«Ինքն իր ասածին հավատո՞ւմ է». Ոսկան Սարգսյան

Լրագրող Ոսկան Սարգսյանն իր էջում գրել է. «Վարչապետ Նիկոլ Փաշինյանն այսօր ՔՊ կուսակացության համագումարում հայտարարել է․ «Դիվանագիտական ճանապարհով աշխատանք՝ Ադրբեջանի հետ, եթե չի աշխատում այդ տարբերակը, ՀԱՊԿ-ը պետք է արդեն ուժային գործողություն պլանավորի անդամ պետության տարածքային ամբողջականությունը վերականգնելու համար: Ոորոշեցինք ԱԳՆ-ներին տալ հանձնարարական՝ այդ խնդիրը լուծելու»:
Ինքն իր ասածին հավատո՞ւմ է, որ իր ՀԱՊԿ-ն ուժային գործողություն է իրականացելու Ադրբեջանի դեմ։ Հայաստանի ներսում բոլոր իր իշխանության բոլոր ձախողումները ինքը «նախկինների» ջեբն է գցում, իսկ Հայաստանի սահմանների պաշտպանության, արտաքին քաղաքականության ձախողումներն էլ ՀԱՊԿ-ի և Ռուսաստանի ջեբն է փորձում գցել։ Իր կողմից պոպուլիստական հերթական քայլն է, որից Հայաստան պետությունն է խիստ տուժում»։