«Խաբելն ու կեղծելը քայքայել են մեր հասարակությունը». Արթուր Ղազինյան

ՀՀ ԱԺ նախկին պատգամավոր Արթուր Ղազինյանը գրում է. «Սուտն ու կեղծիքը, խաբելն ու կեղծելը քայքայել են մեր հասարակությունը, ավիրել հավատը, վստահությունը միմյանց նկատմամբ: Սուտն ու կեղծիքը պետք է արմատախիլ անել մեր միջից, իսպառ բացառել խաբելը, մանիպուլյացիան, խրախուսել ու պաշտպանել ազնվությունը, ճշմարտախոսությունը, անկեղծությունը:

Մենք գոնե միմյանց նկատմամբ պետք է ազնիվ, շիտակ ու անկեղծ լինենք, առանց վարանելու ասենք նույնիսկ ամենատհաճ ու դառը ճշմարտությունը, չխաբենք ինքներս մեզ և երջանիկ մոլորության մեջ հերթական անգամ չգնանք դեպի նոր կոտորած, նոր կորուստներ:

Ազնիվ եղեք միմյանց նկատմամբ, մի՛ խաբեք, մի՛ ստեք, գտեք համարձակություն ու պարկեշտություն ունեցեք ասելու ճիշտը, ոնց կա, առանց չափազանցնելու ու աղավաղելու: Միայն համարձակ ու ազնիվ մարդն է պատրաստ ընդունել իր սխալը, իր մեղքը, որ հետո կարողանա ուղղել այն, ապաշխարել ու մաքրվել մեղքերից: Եղեք համարձակ, ազնիվ ու պարկեշտ, ու կտեսնեք, թե ինչպես կփոխվի ձեր կյանքը...»: