«Եռակողմ հայտարարության տեքստը «ամեն ինչ ոչնչի մասին» դատարկաբանությունն էր»․ Աննա Կոստանյան

ԱԺ նախկին պատգամավոր Աննա Կոստանյանը գրում է. «Զարմանում եմ, որ զարմանում են, որ ոչ մի առարկայական ձեռքբերում չեղավ Սոչիում։ Ու ընդհանրապես զարմանում եմ հայկական շահի համար այս իշխանության հնարավոր հաջողությունների շուրջ մեծ ակնկալիքներ ձևավորող մարդկանց և ուժերի վրա։ Պաթոսախեղդ հայտարարություններ անելը մի բան է, առարկայական պահանջներ ներկայացնելն ու դիվանագիտորեն տեքստերում արտացոլելու պահանջ ներկայացնելը լրիվ այլ բան։
Եռակողմ հայտարարության ընդունված տեքստը հերթական «ամեն ինչ ոչնչի մասին» դատարկաբանությունն էր։
Կամք, համարձակություն, կարողություն, հմտություն չունեցողի մոտ օդից չի ծլելու էդ ամենը։ Հետևաբար մեծ հաջողություններ միջազգային որևէ ձևաչափում ակնկալել չի կարելի, քանի գլխավոր բանակցողը չի փոխվել։ Այսքանը․․․»: