«Տեսա՞ք ոնց Էրդողանը Պուտինին իր տեղը ցույց տվեց». Թորոս Ալեքսանյան

Վերլուծաբան Թորոս Ալեքսանյանի գրառումը․ «Ներկայիս Արևմուտքին պակասում է թուրքի հանդգնությունը, տեսա՞ք ոնց Էրդողանը Պուտինին իր տեղը ցույց տվեց, նա ընդամենը զանգեց նրան ու ասեց, որ եթե փորձես Ուկրաինայից հացահատիկ կրող նավերի ճանապարհը փակել, ուրեմն՝ թուրքական ռազմանավերը կբացեն այդ ճանապարհը, ու Պուտինը նահանջեց:

Էրդողանն արևմտյան պետությունների լիդերների նման չսկսեց նվնվալ, որ ես Ռուսաստանի հետ ուղիղ բախման չեմ գնա, դա վտանգավոր է, չէ՞ որ Ռուսաստանը միջուկային գերտերություն է ու այդպիսի բաներ:

Մի խոսքով, եթե արևմտյան երկրների ղեկավարները Էրդողանի հանդգնության գոնե կեսի կեսը ունենային, հիմա վաղուց իրենց զորքերը մտցրել էին Ուկրաինա ու գլխովին ջախջախել էին ռուսական զորքին, Մոսկվան էլ ամբողջությամբ վերցրել էին իրենց բռի մեջ, բայց ոչ. նրանք իրենց վախկոտությունը քողարկում են հաշվենկատության մասին դատարկ հայտարարություններով»: