«Նիկոլ Փաշինյանին ինձնից հավատարիմ մարդ չկա». Հովիկ Աղազարյան

ՔՊ-ական պատգամավոր Հովիկ Աղազարյանը, պատասխանելով լրագրողների հարցին, ըստ որի՝ «մամուլում տարածվող լուրերի համաձայն, «Քաղաքացիական պայմանագիր» կուսակցության վարչության նախորդ շաբաթ տեղի ունեցած ընտրության արդյունքները կեղծվել են, միգուցե ընտրության սկզբունքը եղել է, թե որքանո՞վ ես հավատարիմ Փաշինյանին», պատասխանել է․ «Միգուցե մեր կուսակցական ընկերները գտնում են, որ Հովիկ Աղազարյանը լավ պատգամավոր է, բայց հարմար չի, որ ինքը լինի վարչության կազմում․ Փաշինյանին ինձնից հավատարիմ մարդ չկա, ու ես չեմ ընտրվել»։

Հիշեցնենք՝ մամուլը գրել էր, որ ՔՊ-ում վերահաշվարկ է արվել. Հայկ Կոնջորյանն ու Համբարձում Մաթևոսյանը դուրս են մնացել վարչությունից, փոխարենը վարչության անդամ են դարձել Արսեն Թորոսյանն ու Արմեն Փամբուխչյանը: