«Չեմ հավատում, որ մինչև տարեվերջ Նիկոլ Փաշինյանը կստորագրի խաղաղության պայմանագիր». Վանեցյան

«Ես չեմ հավատում, որ մինչև տարեվերջ Նիկոլ Փաշինյանը կստորագրի խաղաղության ինչ-որ փաստաթուղթ, որովհետև ստացված տեղեկությունները հիմք են տալիս ենթադրելու, որ ինքը այլ խոստումներ է տվել տարբեր տեղերում և տեսնում է, որ չի կարողանում նաև Հայաստանի, Արցախի ներսում իր խոստումները ի կատար ածել»,- Ազատության հրապարակում հաջակցություն Արցախի ընթացող հանարհավաքի ժամանակ ասաց «Հայրենիք» կուսակցության նախագահ Արթուր Վանեցյանը:

«Նիկոլ Փաշինյանի բոլոր քայլերն ուղղված են իր իշխանությունը պահելուն: Ինքը հասկանում է, որ եթե գնա կտրուկ քայլերի, որը չի ընդունվի հայ ժողովրդի կողմից, կարող է կորցնել իշխանությունը: Ուստի, կարծում եմ՝ հերթական անգամ խաբելով, ինչպես ինքն է ասում՝ գժի տեղ դնելով, կփորձի հետաձգել դա»: