«Գողին ու ***ին 40 օր է». Պետրոս Մակեյան

«Ժողովրդավարական հայրենիք» կուսակցության նախագահ Պետրոս Մակեյանը ֆեյսբուքյան իր էջում գրել է. «ՔՊ-ական խմբակի 6-րդ համաժողովին անդրադարձել էի, մասնավորապես՝ պատասխանելով Նիկոլի այն հայտարարությանը, որ 2018թ-ին իրենք խնդիր էին դրել ժողովրդավարության հաստատման և այն լուծել են։ Նիկոլի հռչակած «հայկական ժողովրդավարությանը» 2021թ-ի ԱԺ արտահերթ ընտրություններից հետո և ՏԻՄ ընտրությունների ժամանակ բազմիցս անդրադարձել եմ՝ այն, որ ընտրություններն անցել են Տիգրան Մուկուչյանի ձևավորած «ընտրական» մեթոդաբանությամբ, իսկ ԱԺ-ինը՝ վերջնաարդյունքում թվանկարչությամբ, դրսից հրանգավորված Նիկոլին պահելով իշխանության՝ մնացած սև գործերն ավարտին հասցնելու համար, իսկ նախկիններին վերակենդանացնելով, ԱԺ են բերել, որպեսզի հեշտացնեն իշխանության գործն արտաքին ուժերի ծրագրերի իրականացման հարցում։ Վերջերս բացահայտվեց ՔՊ-ի համաժողովի վարչության «ընտրության» խայտառակությունը, որից հետևում է, որ Նիկոլի տասնյակ տարիների պայքարը նախկինների դեմ, ունեցել է հետևյալ միտումը՝ ժողովրդի զգայական տրամադրությունները մանիպուլայցիայի ենթարկելով, ուրանալով ու քցելով բոլոր գործընկերներին, ուզուրպացնելով իշխանությունը, որպեսզի առանց խոչընդոտի իրագործի աղետաբեր ծրագրերը, այնուհետև՝ 2021թ-ին ընտրակեղծիքով պահի իշխանությունը, որպեսզի ապահովի թալանելու, մարդկային ճակատագրերն անխնա և անպատասխանատու տնօրինելու իրավունքը, ինչը հաստատում է ժողովրդական խոսքի արդիականությունը՝ գողին ու բ․․ին 40 օր է։
Հ․ Գ․ Եթե գործը հասնի Վահագն Հովակիմյանի «ընտրական» համակարգին, ապա այն անհայրենիք, ապաքաղաքական խուլիգաները անխուսափելիորեն տանելու են դեպի ադրբեջանական խանության հաստատման կամ, որ նույն է, պետականության վերջնական կազմաքանդման»: