«Խաղաղության պայմանագիրը կկնքվի այն դեպքում, երբ ադրբեջանական ստորաբաժանումները դուրս գան ՀՀ ինքնիշխան տարածքից»․ Գնել Սանոսյան

ՀՀ տարածքային կառավարման և ենթակառուցվածքների նախարար Գնել Սանոսյանը լրագրողների հետ զրույցում խոսելով խաղաղության պայմանագրի մասին՝ ասել է. «Խաղաղության պայմանագիրը հարցերի հանգուցալուծման ճիշտ ուղղությունն է։ Բայց պարբերաբար նշվել է՝ այն ենթադրում է նաև մեր սուվերեն տարածքի վերականգնում։ Պայմանագիրը կկնքվի այն դեպքում, երբ ադրբեջանական ստորաբաժանումները դուրս գան ՀՀ ինքնիշխան տարածքից։ Սեպտեմբերի 13-ի ագրեսիայի ժամանակ հակառակորդը հիմնականում առաջ է եկել Գեղարքունիքի հատվածում, Վայոց ձորում՝ Ջերմուկի հատվածում, Սյունիքում՝ Ներքին Հանդի հատվածում»։