«Ընդդիմությանը կոչ եմ անում հավաքվենք, հրավիրենք վարչապետին». Արզաքանցյան

«Ընդդիմություն կոչվող կուսակցության ղեկավարներին կոչ եմ անում օր, ժամ պայմանավորվենք, հավաքվենք կլոր սեղանի շուրջ, հրավիրենք երկրի վարչապետին, որովհետև երկիրը ծանր վիճակում է: Ամեն մեկը թող իր խոսքն ասի, մենք հարցին լուծում պետք է տանք»,- ֆեյսբուքյան եթերում քիչ առաջ հայտարարեց «Ուժը հայրենյաց» կուսակցության նախագահ Տիգրան Արզաքանցյանը: Նա ասաց, որ մեր երկրի մասին պետք է մենք մտածենք, ոչ թե հարցը թողնենք ՌԴ-ին, ԱՄՆ-ին, ԻԻՀ-ին. «Քելեք հանդիպենք, խոսենք, տեսնենք՝ ինչ ենք անում»: